Landa Eremuko Emakumeen Nazioarteko Eguna ospatuko dugu urriaren 15ean Derion

Emakume ekintzaileak GARELAKO bihotza lurrean ereinda eta zeruan libre dugulako. Ezberdintasuna integratzen duen identitate baten indarrak mugitzen gaituelako. Bakoitza mundu bat, bakoitzak bere historia, bakoitzak sentitzeko mila modu. Eta bakoitzaren egon horretan magia sortzen da, bat gara, elkarrekin emakumeen ongizate hori bilatzen duten begirada amaigabeak.

Egunerokotasunean birika betez BIZI ditugun momentu zein espazioak definitzen gaituztelako, begirada sorkuntzan jarria eta elkarrekin indartsuago garela jakinez. Indar hori bihotzez maite dugun bokazioan datza, proiektuei forma emanez eta pausuz-pausu errealitate bihurtuz.

Gure egoteak SENTITZEN ditugulako, gure pentsamenduak zaindu eta gure eginbeharrak partekatu. Munduan izateko eta egoteko modu horrek aukera ematen digu, orain eta hemen, gure bilakaera erabakitzeko. Askatasunak ezagutza eskatzen du, norberarena eta elikatzen gaituzten inguruneena. Elkar ezagutzea eta geure burua aitortzea gustatzen zaigu, hegaldia hartu ahal izateko, errotzen gaituen prozesu batean.

Gutxi populatutako inguruneetako antzinako usainekin LAN EGITEN DUGULAKO, baita natura arrotz duen hiretan ere. Gure betebeharrak maite ditugu, nahiz eta une batzuetan gehiegi izan. Sostengu bila gabiltza gure kideen artean eta tribuak erantzun egiten du. Landa edo hiri izan, konektatzeko gogoak batzen gaitu. Gero eta gehiago norbera izatea eta gure ezberdintasunak ulertzen joateak motibatzen gaitu.

Egiten duguna MAITE DUGU eta gure une eta garaien erantzule gara. Ekinean esperientzia dagoela ikasten goaz, eta bidexka honetan berri onak ehuntzen direla. Berriak zein zaharrak, femeninoak zein maskulinoak, goikoak zein behekoak, argiak zein ilunak, baserritarrak zein hiritarrak, liluratzen gaitu. Kontrakoaz gozatzea gustatzen zaigu, eta horrela bidea egitea, garen emakume ekintzaileak izaten jarraitzeko.

EGITARAUA

10:00 Ongi etorria eta Bizkaiko emakume baserritarrentzako lan-planaren aurkezpena
Arantza Atutxa. Ingurune Naturala eta Nekazaritza Sustatzeko Saileko Foru Diputatua.

10:30 Inspiratu
Neus Monllor. Nekazaritza eta gizarte gaietako aholkularia eta Amaterraren sortzailea.

10:45 Harro sentitu
Emakume ekintzaileen elkarteen aldetik, poza pizten diguten esperientzien aurkezpena:
• EmakumeEkin
• Etxaldeko Emakumeak
• Landa XXI
• Saskia

11:45 Atsedenaldia

12:15 Elkarrekin egon
Elkar ezagutzeko eta gure landa zein hiri eremuko ekintzaile bideak aitortzeko talde dinamika.

13:45 Eskertu
Bizkaiko landa eremuko emakumeen ospakizunaren eguneko esperientziaren ikaskuntzengatik eskerrak emateko banakako dinamika.

14:00 Jardunaldiaren amaiera

14:30 Bazkaria, aldez aurretik erreserba eginda

JARDUNALDIAREN HELBURUA
• Bizkaiko emakume baserritarrentzako lan-plana aurkeztu.
• Landa eta hiri eremuko emakumeen arteko topagunea sortu.
• Emakume ekintzaileen begiradetan elkar ezagutu.
• Landa eremuko emakumeen eguna taldean ospatu, hirikoak gonbidatuz.

NORI ZUZENDUTA DAGO
Esperientziak, pentsamenduak eta ekintzak partekatzeko gogoa duten landa eta hiri eremuko emakume ekintzaileei.

ERRAZTE-TALDEA
Pilar Martínez
Giza garapenean, garapen profesionalean eta antolakuntzan aditua den mentore eta hezitzailea.

Neus Monllor
Nekazaritza eta gizarte gaietako aholkularia eta Amaterraren sortzailea.

Saioa Alvarez
Nekazaritza eremuko giza dinamizatzailea eta Bizkaiko emakume baserritarrentzako lan-planaren teknikaria.

KOKAPENA
Baserri Antzokia (Derio, Bizkaia).

IZEN-EMATEAK ETA BAZKARIA
Ekitaldirako izena eman behar da eta bazkarirako aldez aurretiko erreserba egin, ondorengo formularioa betez edo saioa.alvarez@amaterra.eu helbidera idatziz. Jardunaldia doakoa da, eta menuak 14 € balio du, bakoitzak ekitaldiaren egun berean ordainduko duena.