“Deriba feminista” Bilbon, Etxaldeko Emakumeen partaidetzarekin
Euskal Herriko Mugimendu Feminista bihar, larunbata, azaroak 4, Bilbon "deriba feministaren" protagonista izango da, ibilaldi kolektibo bat, azaroaren 30eko greba feminista orokorrari begira, "elkarrekin zainketen narratiba integral bat eraikitzeko; hainbat begirada eta esperientziatatik erresistentziak lantzen ditugu zainketen negozioaren aurrean". Ekimenean, Etxaldeko Emakumeek parte hartuko dute, beste emakume talde askorekin batera. Gainera, Pentsiodunen Mugimenduak ekintza horretan parte hartuko duela iragarri du.
Ekimena goizeko 10: 30etan hasiko da Indautxu Plazan eta, 8 geldialdiren ondoren, Bilboko udaletxearen aurrean amaituko da.
